गजल

नाता तिम्रो मेरो आज मारेर जाँदै छु
प्रेमको यो अनौठो खेल हारेर जाँदै छु।।

सजाइयो सपना  कति बुनियो कल्पना हरु
मनै मनको दरबार आज खारेर जाँदै छु।।

हुर्काएर पनि नाता जोगाउन सकिएन
फुल्ने फुल कोपिलामै झारेर जाँदै छु।।

दोषी तिमी कि म या थियो परिस्थिति
तिम्रै माया तिमीलाईनै सारेर जाँदै छु।।

जबाफ खोज्छ मन यहाँ प्रश्न थरिथरिका
बेजबाफी छु म आफैँलाई टारेर जाँदै छु।।

                                                   - श्रीकृष्ण अधिकारी