गजल

घरि घरि न्याउली चरी विरक्तिदै गायो आज।
भरि भरि नयनाभरी  अश्रुधारा धायो आज।।

रोपेको थिँए पिरतीको बिउ ह्रिदयकुञ्जमा।
सरिसरी हृदयभरी सलहले खायो आज।।

चन्द्रमा साँची राखी खाएको तिम्रै सामु।
थरीथरी गगनभरि बादलुले छायो आज।।

विश्वासको प्रतीकमा बज्रप्रहार भएपनि।
मरीमरी लाशभरी जिउने सास पलायो आज।।

बिगतलाई भुलाएर आँखा मैले खोल्दखेरी।
वरिपरि नयनभरि तिम्रै याद आयो आज।।

                            - श्री कृष्ण अधिकारी।